Herrelaget tapte i går kveld 3-1 borte mot Hyen i ein tøff kamp som blir prega av tøft spel og nokre store avgjerdsler i mot oss.
Hyen går opp i leiinga 1-0, soleklar offside (4-5 m). Deretter sørgar Emil Abrahamsen for balanse i reknskapen og 1-1. Hyen sørgar for 2-1 og deretter er Ingeborg Sætren nære med å utlikne til 2-2. Ja, du las riktig! Ingeborg Sætren! Ho spelte heile kampen for herrelaget og gjorde en knall kamp! HERLEG INGEBORG!
Så skjer det som pregar kampen mest. Like før pause blir Kristoffer Hatlestad Arnes grisetakla av ein Hyenspelar. Taklinga skjer i 20-30 cm høgde og Kristoffer deiser i bakken. Resultatet er brote kragebein og krafig hevelse rundt halebeinet, ambulansetur via legevakt og sjukehusopphald i Førde. God bedring Kristoffer!
Alle forventar raudt kort, men dommaren nøyer seg med å vise det gule. Her skulle Hyen etter vårt syn hatt raudt kort og spela med 10 mann resten av kampen.
Hornindal gjer ein god bortekamp, men når desse avgjerdslene går imot vinn Hyen kampen fortent og leiar 6 div. suverent. Neste kamp er heime mot Måløy 2 tysdag 17 sep. kl.19.00.
