Spelarprofil: JAN RUNE OPPHEIM

Jan Rune Oppheim har gått gradene i Honndalsfotballen sidan miniputt/lilleputt, der Magnar Holvik og Nils Haugen var dyktige trenarar. Spelte på A-laget frå 1995 til 2009/2010 – og har også stilt sporty opp seinare ved behov, seinast i 2023 sesongen.

2009 – Jan Rune Oppheim får her sitt einaste raude kort i karrieren. Det vart heimesiger 5-1 mot Loen. Dommar er Muhammet Barlla, Eid IL.

-Ditt beste fotballminne?

2-3 sigeren over førstelaget til Florø på Florø stadion i 4 div. i 2006 var fantastisk. Trur det var einaste tapet deira den sesongen. Då hadde vi et veldig godt lag. Same sesongen berga vi også plassen med 4-3 siger borte mot Årdal FK, etter å ha lege under 3-0 til pause.

2007 – Jan Rune Oppheim i bortekamp mot Selje, kampen enda 3-1 til Selje.
Honndalsspelar bak er Tarjei Lødøen. Foto: Stig Høynes, haugenfotball.no

-Hending du aldri gløymer?
Det må vere opprykksfesten i 2005 😊

-Din beste medspelar?
Det må vere Morten Taraldset. For en spelar!

-Personar i klubben du set ekstra høgt?
Der er mange som har betydd mykje, men Steinar Bakka og Gunnar Grodås var veldig sentrale i den tida eg var aktiv på seniornivå.

1995 – før sesongen. Bak frå venstre: Ståle Hatlelid, Rasmus Sætren, Magne Øen, Rasmus Bakke og Bjørn Solum. Framme frå venstre: Sveinung Otterdal, Joar Vellene, Ola Sætren, Oddvar Espe og Jan Rune Oppheim.

-Kva har Honndalsfotballen betydd for deg?
Veldig mykje. Fotballen har gitt meg mange flotte minne og opplevingar, og ikkje minst mange gode vennskap. Det å få oppleve opp og nedturar, vinne og tape som ein del av eit lag og ein kameratgjeng, det skulle eg ønske alle kunne få oppleve. Det er erfaringar for livet.