Harald Lødemel fekk ei storarta karriere for norske toppklubbar og med flagget på brystet for Norge. Grunnlaget la han i heimbygda. Der han bl.a. 13 år gamal tok på seg rolla som spelande trenar for Hornindal.
-Ditt beste minne frå tida i klubben?
Mange gode minne. Fjording-cupen som smågutt gav gode opplevingar. Likeså debut for A-laget som 15-åring, vi vann 8-0 over Breimsbygda på bortebane og eg scora siste målet.
-Hending du aldri gløymer?
Vintertrening 1990 med Bottolv Grodås. Vi sprang i snø til over kne fra skulen og over marka til kyrkja. Kondisjonen skulle trenast. ..Spydde av utmattelse.
Bak frå venstre: Håkon Raftevold, Robin Grodås, Rune Haugen, Magne Øen, Einar Bjørn Taraldset, Knut Jarle Kroken, Odd Tore Seljeset, Reidar Støverstein, Bottolf Grodås og Bjørn Solum.
Framme frå venstre: Harald Lødemel, Sigfred Lillestøl, Edvin Brendefur, Arne Bruheim, Oddvar Espe, Atle Kroken og Jim Rune Skrede.
-Andre ting du har lyst å fortelje frå di fotballkarriere?
Eg har hatt mange fine opplevelser i honndalsdrakta. Godt kameratskap og sosialt.
-Din beste medspelar i honndalsdrakt?
Oddvar Espe. Slepen teknikar. Av andre kan eg nemne Reidar Støverstein. Kraftspiss.
-Person i klubben du set ekstra høgt?
Odd Løvlid. Eg var så heldig å ha ein onkel som tok vare på meg som sin eigen son. Putten tok meg med på alt av bortekamper i fra 10 års alder. Utruleg gode minne den dag i dag.
-Kva har Honndalsfotballen betydd for deg?
Eg kjem frå ein familie som alle har vore aktive i fotballen i Honndalen. Far (Magnar) spelte og var og trenar, alle søsken har spelt (Irene, Margunn, Ole Perry), mor (Jofrid) har vore oppmann, vaska A- laget sine drakter og fast sjåfør på alle kampar eg spelte. Utrulig takknemlig for oppveksten i Honndalen. Eg var nok ein av dei mest ivrige supportarane til A- laget og alt av kampar.. I tillegg høyrde eg på NRK Sogn og fjordane søndagskvelden der resultata frå helga kom. Så laga eg oppdaterte tabellar i mi eiga skrivebok, for det blei for lenge å vente på oppdaterte tabellar i Fjordingen på måndagen.
